Жаңалықтар

Атырау облысында 5 күн ішінде 1000-ға жуық жол ережесін бұзу оқиғасы тіркелді.

Patick — Tue, 03 Jul 2007 06:16:27 GMT

25-нен 29-шы маусым аралығында Атырау облысының барлық ауданында Жол Полиция Басқармасының толық құрамының, ІІД және аудандардағы ІББ-дерінің қызметкерлерінің қатысуымен «Ауыл жолдары» жедел-профилактикалық іс-шарасы өтті. Бұл туралы Атырау облыстық Жол Полиция басқармасының жол патрулдік бөлімшесінің аға инспекторы Рүстем Бекмамбетов мәлімдеді. Оның айтуынша: «Ауылдық жерлерде жүргізілген бұл шара аясында барлығы 950 жол ережесін бұзған жағдай тіркелді. Соның ішінде 140 жүргізуші ішімдік ішу кесірінен тоқтатылған. Сондай-ақ, 200-ден астам автокөлік иелері құжатсыз машина жүргізгені үшін ұсталса, 10 жүргізуші жол полиция қызметкерлерінің тоқтатқанына көнбей кеткен». Бұларға қоса, 340 аса жоғары жылдамдықпен көлік айдау, 51 апат жағдайын туғызу оқиғалары тіркелді.

Ернар Бекенов

Арнайы Kazakhstan Today ақпарат агенттігі үшін.

"Атырау" ФК-ң президенті ауысты.

Patick — Tue, 03 Jul 2007 06:14:32 GMT

«Атырау» ФК-ң президенті ауысты. Суперлигада ойнайтын атыраулық команданың жаңа президенті болып қала әкімі Сәлімжан Нақпаев тағайындалды. Оның командаға келісімен, бұрыннан төленбей келген ойыншылардың жалақылары беріліп, клубтың бюджеті өскен. Сондай-ақ, қазіргі уақытта команда қатарына алыс шетелдерден бірнеше жаңа ойыншылар шақыртылады деп күтілуде. Атыраулық команданың баспасөз менеджері Алтынбек Нысанғалиевтің айтуынша қазірдің өзінде Чехиядан, Нигериядан ойыншылар шақыртылған. Сондықтан, алдағы кездесулерде «Атырау» ФК-ң құрамынан алаңға жаңа ойыншылар шығуы мүмкін. Айта кетелік, «Атырау» командасының жағдайын облыс әкімі Бергей Рысқалиев тікелей өз қадағалауына алды. Оның шешімімен командаға облыс бөджетінен 230 млн.теңге бөлініп отыр.

Атырау калалын медициналын жедел-жардем стансасынын кызметкерлері жана униформа алды.

Patick — Fri, 02 Feb 2007 11:31:43 GMT

Атырау қалалық медициналық жедел-жәрдем стансасының қызметкерлері жаңа униформа алды. Жаңа форманы медицина қызметкерлеріне Каспий құбыр желісі консорциуымы демеушілік көмек ретінде табыс етіп отыр. Униформа дала жағдайында немесе төтенше жағдай кездерінде жұмыс істеуге лайықтандырылған. Униформаны жедел жәрдем стансасының барлық 60 қызметкері алды. Аталмыш компания денсаулық сақтау саласына бұған дейін де көмектесіп келеді. Олар 3 санитарлық автокөлік және құрал-жабдықтар алып берген болатын.

Атырау облысындагы казах мектептерінін білім денгейі артып келеді.

Patick — Fri, 02 Feb 2007 11:29:59 GMT

Республика бойынша мемлекеттік тілге алғашқылардың бірі болып көшкен Атырау облысында қазақ мектептеріндегі білім деңгейі көтеріліп келеді. Облысымыздағы барлық 92 білім беретін орындарының 70 пайызы қазақ тілінде оқытуға арналған. Балаларын қазақ тілі мектептеріне берген ата-аналардың ішінде өзге ұлт өкілдері де көптеп кездеседі кездеседі екен.

Атырауда мугедектерге арналган компьютерлік сынып ашылды.

Patick — Fri, 02 Feb 2007 11:26:06 GMT

Атырау қалалық еңбекпен қамту және әлеуметтік бағдарламалар бөлімі жанында «Аджип ККО» компаниясының демеушілігімен мүгедектерді компьютерлік сауаттылыққа үйрететін арнайы оқу сыныбы ашылды. Қазіргі уақытта 20 адам сыныпқа қабылданып, компьютерлік білім алуда. Жалпы мүгедектерді сауықтыру жөніндегі 2007 жылғы бағдарлама аясында олар үшін 40 жұмыс орнын ашу, 30 адамға кәсіби білім беру жоспарлануда.

Атырау облысынын акімі Б.Рыскалиев есеп беру жиналысын откізді.

Patick — Fri, 02 Feb 2007 11:19:18 GMT

Атырау облысында барлық салалар қарқынды даму үстінде. Бұл 31-ші қаңтар күні Атырау облысының әкімі Бергей Рысқалиевтің есеп беру жиналысында мәлім болды. Аталмыш жиналыста Б. Рысқалиев облысымыздың 2006 жылдағы әлеуметтік-экономикалық дамуының қорытындылары туралы баяндамасында облыс көлеміндегі былтырғы жылғы жеткен жетістіктерге толық тоқтала отырып, биылғы жылға арналған міндеттерді нақтылап шықты. Бұларға қоса, облыс әкімі шешілмей жатқан мәселерді де айта кетті. «Солардың бірі - газ және су бағдарламаларының қаржы мәселесіне байланысты толықтай орындалмауы, медицина қызмет сапасының төмендігі, дәрігер мамандарының жетіспеуі, сондай-ақ облыста балабақша, мектептер жетіспеу мәселелері бар»-дейді Б.Рысқалиев.

Атыраудагы откен апта ішіндегі тунгі рейд корытындылары

Patick — Tue, 16 Jan 2007 06:31:27 GMT

Атырауда жұма мен сенбі күндері ішінде мас күйінде көлік айдаған 31 жүргізуші ұсталды. Бұл Жол полиция басқармасы қызметкерлерінің түнгі рейд шарасы кезінде белгілі болды. Сондай-ақ, жүргізуші куәлігінсіз көлік жүргізген 8 жағдай кездескен, 3 автомашина мемлекеттік номерсіз жүргені үшін ұсталды.

Атырау каласында откен апта ішінде 6 орт окигасы тіркелді.

Patick — Tue, 16 Jan 2007 06:26:36 GMT

Атырау қаласы, Еркінқала поселкесінде балалардың отпен ойнауы салдарынан үйдің ауласындағы пішен жанып кеткен. Бұл туралы Өртке қарсы қызмет басқармасы мәлімдеп отыр. Жалпы Атырау қаласында өткен апта ішінде, яғни 8-нен 14-ші қаңтар аралығында 6 өрт оқиғасы тіркелді.

Атырауда жук пойызы аударылды, тергеу жумыстары жалгасуда

Patick — Tue, 16 Jan 2007 06:23:19 GMT

Біз бұдан бұрын да хабарлағанымыздай, Атырау-2 – Теңдік аралығындағы теміржол бойында жүк пойызы рельстен шығып кетіп, мазут құйылған 11 цистерна мен тепловоз өртеніп кеткен болатын. Белгілі болғандай, апаттың басты себебі, жүк пойызын басқарып келе жатқан машинисттің қызыл түске қарамай өтіп кетуі. Дәл сол күні Атырау көлік прокуратурасының қызметкерлерімен ҚР ҚК-ң 295-ші бабы, 4-ші бөлімі бойынша қылмыстық іс қозғалды. Қазіргі уақытта тергеу жұмыстары жалғасуда.

Атыраулык майдангерлер Маскеу мэрінен марапттаулар алды

Patick — Tue, 16 Jan 2007 06:17:24 GMT

1941 жылы Мәскеу үшін шайқасқа қатысқан атыраулық майдангерлер шайқастың 65 жылдығына орай тағайындалған мерейтойлық медальдармен марапатталды. Наградалар Ұлы Отан соғысының ардагерлері М.Мұханбетовке, Т.Есенғаринге, Ш.Ингельдиевке, К.Қожахметов пен Ш.Есқалиевтерге табыс етілді. Майдангерлерге сондай-ақ Мәскеу мэрі Юрий Лужковтың құттықтауы да қоса табыс етілді.