Атырау облысында жұмыс берушілер өздерінде жұмыс жасап жатқан шетелдік азаматтарды заңдастыруға құлықсыз. «Бұл еліміз бойынша өтіп жатқан «Мигрант» шарасы барысында анықталды», - дейді облыстық көші-қон полициясының қызметкерлері. «Мигрант» шарасы барысында 45 шетел азаматы Атырау облысы аумағынан шығарылса, тағы 22 адам мүлдем құжаттары болмағандықтан уақытша оқшаулау орнына алынды. Көші-қон заңының ережесін бұзған 6 мекеме басшысына әкімшілік шара қолданылды. Көші-қон полициясының арнайы взвод командирі Мереке Күсеповтің айтуынша, олар өткен жылы елімізде жариялаған рақымшылық шарасын біле тұра мойынсұнбаған.